Azərbaycan Beynəlxalq Bankının (ABB) sədrinin müavininə yeni müşavir təyin olundu.
Yurd.Media-nın əldə etdiyi məlumata görə, Məzahir Dadaşov İdarə Heyəti sədrinin müavini – baş risk inzibatçısının müşaviri vəzifəsinə təyin olunub.
O, bundan əvvəl, 2019-cu ilin noyabrından 2026-cı ilin oktyabrınadək ABB-nin Maliyyə monitorinqi və komplayens departamentinin direktoru olub.
Məzahir Dadaşov 2011-ci ilin mayından 2019-cu ilin noyabrınadək bankın Risklərin idarə edilməsi departamentinin direktoru vəzifəsini tutub.
Onun ABB-də əvvəlki fəaliyyətinə 2010-2011-ci illərdə Strateji inkişaf departamentinin direktor müavini və çirkli pulların yuyulmasına qarşı mübarizə üzrə komplayens əməkdaşı, 2009-2010-cu illərdə Audit Komitəsinin üzvü, 2006-2009-cu illərdə isə Audit Komitəsinin sədri vəzifələri daxildir.
M.Dadaşov 2001-ci ilin mayından 2006-cı ilin iyulunadək ABB-nin Daxili audit departamentinin direktoru vəzifəsində çalışıb.
Qeyd edək ki, İdarə Heyəti sədrinin müavini, İdarə Heyətinin üzvü, Baş risk inzibatçısı Aqşin Əmirovdur.
Məzahir Dadaşov