İndiyə qədər Neftçala Sənaye Məhəlləsinin rezidentləri 230 milyon manatlıq məhsul satıb, bunun da 1,8 milyon manatlıq hissəsi ixracın payına düşüb.
Yurd.Media “Report”a istinadən xəbər verir ki, bu ilin I yarısında Məhəllədə 19 milyon manatlıq məhsul istehsal edilib ki, bu da ötən ilin eyni dövrü ilə müqayisədə 4 dəfə çoxdur.
İstehsal edilən məhsullar daxili bazara satılmaqla yanaşı, "Made in Azerbaijan" brendi adı altında İraqa, Türkmənistana, Özbəkistana, Qırğızıstana və s ölkələrə ixrac edilib. Əsasən balıq yemi və elektrod kimi məhsullar ixrac edilib.
Xatırladaq ki, Neftçala Sənaye Məhəlləsi Prezident İlham Əliyevin 2 fevral 2015-ci il tarixli sərəncamı ilə yaradılıb, 2017-ci ilin sentyabr ayından fəaliyyət göstərir, ərazisi 10 hektardır.
