İpoteka və Kredit Zəmanət Fondunun nizamnamə kapitalı 7%-dən çox artırılacaq

İpoteka və Kredit Zəmanət Fondunun nizamnamə kapitalı 85 milyon manat və yaxud 7,4% artırılaraq 1 153,4 milyon manatdan 1 238,4 milyon manata çatdırılacaq.

Bu barədə Yurd.Media-ya Fonddan bildirilib.

Məlumata görə, kapital artımı güzəştli ipoteka kreditlərinin maliyyələşdirilməsi məqsədi ilə, 2026-cı ilin dövlət büdcəsindən Fonda ayrılmış vəsait hesabına təmin ediləcək.

Maliyyə Nazirliyi nəzərdə tutulan məbləğdə maliyyələşməni təmin etməlidir.