Bakıda orta maaş ölkə üzrə orta göstəricini 25% üstələyir

Bu ilin I yarısında Bakıda muzdla çalışan işçilərin orta aylıq nominal əməkhaqqı 1 375 manat təşkil edib. 

Bu barədə Yurd.Media-ya Dövlət Statistika Komitəsindən bildirilib. 

Məlumata əsasən, bu, ötən ilin eyni dövrü ilə müqayisədə 8,4% çoxdur. 

Xatırladaq ki, yanvar-iyun aylarında ölkə üzrə orta maaş 1 il əvvələ nisbətən 9,4% çox - 1 097 manat olub. Beləliklə, paytaxtda orta maaş ölkə üzrə orta göstəricini 25,35% üstələyir.