Bu ilin I yarısında Azərbaycan İsrail iqtisadiyyatına, daha dəqiq desək, bu ölkədəki “Tamar” qaz yatağına 542,5 milyon ABŞ dolları birbaşa investisiya qoyub.
Bu barədə Yurd.Media-ya Azərbaycan Mərkəzi Bankından məlumat verilib.
Son nəticədə Azərbaycanın I yarımildə xaricə investisiya qoyuluşunun 40,2%-i İsrailə yönəlib. Ötən ilin eyni dövründə İsrailə cəmi 400 min dollar pul qoyulmuşdu.
Xatırladaq ki, bu il yanvarın 31-də Dövlət Neft Şirkəti (SOCAR) İsrailin “Union Energy” şirkəti ilə Aralıq dənizində ən böyük ofşor qaz yataqlarından biri olan "Tamar" layihəsində 10% iştirak payının alınması haqqında saziş imzalayıb. Martın 17-də isə SOCAR və “Union Energy” şirkəti arasında İsrailin eksklüziv iqtisadi zonasında birgə kəşfiyyat işlərinin aparılması haqqında Anlaşma Memorandumu imzalanıb.
