Azərbaycan hökuməti iqtisadi artım hədəfinə çatıb

Bu ilin oktyabr ayında Azərbaycanda ümumi daxili məhsulun (ÜDM) illik müqayisədə artımı 1,5%-dən 1,7%-ə yüksəlib.

Bu barədə Yurd.Media-ya Dövlət Statistika Komitəsindən bildirilib.

Məlumata görə, ötən ay ölkədə 13,9 milyard manatlıq, yanvar-oktyabrda isə 115,9 milyard manatlıq ÜDM istehsal olunub.

Xatırladaq ki, Azərbaycan hökuməti bu il ölkədə 1,7% iqtisadi artım proqnozlaşdırır.