Bakıda sürücülərin vaxt itkisini azaltmaq, həm də paytaxtın mərkəzi küçələrində nəqliyyatın yükü yüngülləşdirmək istiqamətində yeni irimiqyaslı layihə həyata keçirilir.
Yurd.Media xəbər verir ki, metronun “Koroğlu” stansiyasından Bakı - Qazax şosesinə, “20 Yanvar” dairəsinə daxil olmadan hərəkət etmək mümkün olacaq.
"ARB Xəbər"in reportajında qeyd olunur ki, 2025–2030-cu illəri əhatə edən dövlət proqramına əsasən icra olunan 25 layihədən biri də Bakı Dairəvi-1 avtomobil yolu ilə Ziya Bünyadov prospektinin birləşdirilməsidir. Layihəyə əsasən, bu birləşmə Biləcəri enişi vasitəsilə həyata keçiriləcək.
Layihənin təxminən 4 il ərzində icrası nəzərdə tutulur.
Bundan əlavə, Abay Kunanbayev küçəsi ilə Çinarli yaşayış massivinin birləşdirilməsi də planlaşdırılır. Bu məqsədlə ərazidə, “Dərnəgül” deposunun altından keçən tunelin inşası nəzərdə tutulur.
Bakıda nəhəng yol layihəsi: Əsas prospekt Kənar dairəvi yolla birləşir - VİDEO
