Azərbaycanın "Sabah" futbol klubu Çempionlar Liqasının əsas mərhələsinə vəsiqə qazanıb.
Yurd.Media xəbər verir ki, UEFA Çempionlar Liqasının təsnifat mərhələsinin pley-off turunun cavab qarşılaşmasında "Sabah" İsrail klublarından "Hapoel"i (Beer-Şeva) qəbul edib.
Tofiq Bəhramov adına Respublika Stadionunda keçirilən oyunda qonaqlar 10-cu dəqiqədə fərqləniblər. Qolun müəllifi İqor Zlatanoviç olub.
38-ci dəqiqədə isə Azərbaycan komandası hesabı bərabərləşdirib - Kristian Nvaçuvku fərqlənib.
İlk hissə 1:1 hesabı ilə yekunlaşıb.
İkinci hissədə "Hapoel" "Sabah"la oyunda yenidən hesabda önə keçib.
Qonaqların qolunu 61-ci dəqiqədə Guy Qizrahi vurub.
76-cı dəqiqədə Umarali Rahmanaliyev fərqlənərək hesabı yenidən bərabərləşdirib.
Oyunun əlavə olunmuş sonuncu dəqiqəsində isə Tellur Mütəllimovun qolu ilə "Sabah" oyunda 3:2 hesabı ilə irəli çıxıb.
İki oyunun nəticəsinə görə, hesab bərabərləşib - 4:4.
Ümumi hesabda qalibi müəyyənləşdirmək üçün qarşılaşmada əlavə vaxt oynanılıb.
Rumıniyalı baş hakim İştvan Kovaçın idarə etdiyi matçın 101-ci dəqiqəsində Orfe Embina fərqlənib, 114-cu dəqiqədə isə Coy-Lens Mikels qol vurub və hesab 5:2 olub.
İki oyunun nəticəsinə görə 6:4 hesabı ilə üstün olan "Sabah" ilk dəfə Çempionlar Liqasının əsas mərhələsinə adlayıb.
