Ağdamın "Qarabağ" klubu Macarıstandan qələbə ilə qayıdır.
Yurd.Media xəbər verir ki, UEFA Çempionlar Liqasının pley-off mərhələsində səfərdə "Ferentsvaroş" ilə qarşılaşan "Qarabağ" 3:1 hesabı ilə qələbə qazanıb.
"Qroupama Arena"da keçirilən qarşılaşmada əvvəlcə ev sahibləri hesabı açıb - 29-cu dəqiqədə Barnabas Varqa fərqlənib.
Portuqaliyalı FIFA referisi Juan Pedru da Silva Pineyrunun idarə etdiyi matçın ikinci hissəsində gözəl oyun sərgiləyən "Qarabağ" əvvəlcə 50-ci dəqiqədə Marko Yankoviçin qolu ilə hesabı bərabərləşdirdi.
67-ci dəqiqədə Kevin Medina künc zərbəsindən sonra Azərbaycan təmsilçisini hesabda irəli çıxarıb.
85-ci dəqiqədə isə meydana yenicə daxil olan Musa Qurbanlı "Ferentsvaroş"un qapısından üçüncü qolu keçirib.
