Azərbaycan Premyer Liqasının ilk turunda daha 2 oyun keçirilib.
Yurd.Media xəbər verir ki, günün ilk matçında “Turan-Tovuz” “İmişli”ni bir cavabsız qolla üstələyib.
Günün ikinci matçında “Neftçi” “Şamaxı”nı qəbul edib.
“Neftçi Arena”da gerçəkləşən qarşılaşma heç-heçə yekunlaşıb - 1:1.
Qonaqların heyətində 23-cü dəqiqədə Karim Rossi fərqlənib. Meydan sahiblərində Emin Mahmudov 45+2-ci dəqiqədə penaltini dəqiq yerinə yetirib.
Qeyd edək ki, ötən gün "Karvan-Yevlax" və "Qəbələ" komandaları arasında keçirilmiş açılış oyununda qalib müəyyənləşməyib - 1:1.
Turun digər qarşılaşmaları 17 və 19 avqustda keçiriləcək. "Sabah" - "Qarabağ" görüşü isə təxirə salınıb.
