Azərbaycan Premyer Liqasının XI turu yekunlaşıb.
Yurd.Media xəbər verir ki, "Zəfər turu"nda əvvəlcə "Sabah" "Kəpəz"lə qaşılaşıb. Bakı kollektivi 3:1 hesablı qələbəyə sevinib.
Qalib komandanın qollarını Velko Simiç (22), Coy Lens Mikels (28) və İqor Nogeyra (54) vurublar. Gəncəlilərdən isə Olavale Onanuqa (45+5) fərqlənib.
Sonra "Qarabağ" və "Neftçi" komandaları arasında Azərbaycan derbisi keçirilib.
"Zəfər turu"nun son oyununda Ağdam təmsilçisi rəqibini 2:0 hesabı ilə məğlub edib.
Qolları Toral Bayramov (50-pen) və Kamilo Duran (84) vurublar.
"Qarabağ" 23 xalla turnir cədvəlinə başçılıq edir. 15 xalı olan "Neftçi" yeddincidir.
Qeyd edək ki, turun əvvəlki görüşlərində "Şamaxı" "İmişli"ni (1:0), "Sumqayıt" "Qəbələ"ni (2:0), "Araz-Naxçıvan" "Karvan-Yevlax"ı (2:1) üstələyib. "Zirə" - "Turan Tovuz" oyununda isə hesab açılmayıb.
