Bakıda Tofiq Bəhramov stadionunda "Qarabağ" və "Çelsi" (İngiltərə) komandaları arasında UEFA Çempionlar Liqasının əsas mərhələsinin IV turunda qarşılaşıblar.
Yurd.Media xəbər verir ki, oyuna sürətli hücumlatla başlayan İngiltərə komandası 17-ci dəqiqədə Estevan Villianın qolu ilə hesabda önə çıxıb - 0:1.
Birinci hissənin qalan dəqiqələrində "Qarabağ" hesabı öz xeyrinə dəyişə bilib.
Əvvəlcə 29-cu dəqiqədə Leandro Andrade adını tabloya yazdırıb - 1:1.
39-cu dəqiqədə isə Marko Yankoviç penalti zərbəsindən fərqlənib - 2:1.
Avstriyadan olan FIFA referisi Sebastyan Qishamerin idarə etdiyi oyunun ikinci hissəsinə "Çelsi" qolla başlayıb. Alexandro Qarnaço 53-cü dəqiqədə hədəfdən yayınmayıb - 2:2.
Bununla da ağdamlılar cari mövsüm Çempionlar Liqasının Liqa mərhələsindəki xallarının sayını 7-ə çatdırıblar.
Qeyd edək ki, Qurban Qurbanovun rəhbərlik etdiyi kollektiv V turda, noyabrın 25-də səfərdə İtaliyanın "Napoli" kollektivinin qonağı olacaq.
