Azərbaycan Premyer Liqasının III turunda "Kəpəz" "Turan Tovuz"u məğlub edib.
Yurd.Media xəbər verir ki, Gəncə şəhər stadionunda baş tutan görüş meydan sahiblərinin 1:0 hesablı qələbəsi ilə yekunlaşıb.
Yeganə qolu 47-ci dəqiqədə Viktor Stina vurub.
Qeyd edək ki, "Kəpəz" stadionun inşası ilə əlaqdəar 3 ildir ev oyunlarını doğma meydanda keçirə bilmirdi. "Sarı-göylər" Gəncədə son dəfə 2023-cü il okyabrın 1-də "Qəbələ"yə qarşı oynayıb. "Kəpəz" bu müddətdə ev oyunlarını Qəbələ, Tovuz və Yevlaxda keçirib.
Turun ötən gün keçirilən matçlarında "İmişli" "Şəfa"nı məğlub edib - 1:0. "Qəbələ" - "Şamaxı" görüşü isə qolsuz bərabərliklə yekunlaşıb.
