Azərbaycanın minifutbol üzrə milli komandası Avropa çempionatında qələbələrini sıralayır.
Yurd.Media xəbər verir ki, Slovakiyada keçirilən Avropa çempionatının 1/8 finalında milli Qazaxıstan seçməsi ilə üz-üzə gəlib.
"Tipos Arena"da keçirilən qarşılaşma 3:2 hesabı ilə bitib. Komandanın qollarına Rəvan Kərimov, İsa Atayev və Məhəmməd Xəlilov imza atıblar.
Günün digər görüşlərində Rumıniya millisi Avstriyanı (7:0), Serbiya Yunanıstanı (4:2), Çexiya isə Monteneqronu (2:0) məğlub edib.
1/4 final cütləri aşağıdakı kimi formalaşıb:
Macarıstan - Bolqarıstan
Gürcüstan - Ukrayna
Rumıniya - Serbiya
Çexiya - Azərbaycan
Qeyd edək ki, 1/4 final mərhələsinin oyunları iyunun 2-də baş tutacaq.
Xatırladaq ki, Azərbaycan millisi F qrupunda Avstriya (1:0), İtaliya (3:0) və Fransaya (3:2) qalib gələrək lider bitirmişdi.
