Dünya Çempionatı-2026-nın seçmə mərhələsində Bakıda Azərbaycan - Fransa oyunu keçirilib.
Yurd.Media xəbər verir ki, Tofiq Bəhramov adına Respublika stadionunda keçirilən qarşılaşmada gözlənilmədən Azərbaycan futbolçuları hesabı açıb. 4-cü dəqiqədə Renat Dadaşov rəqibi məyus edib.
Birinci hissədə Fransa 3 top vuraraq hesabı öz xeyrinə dəyişib. 17-ci dəqiqədə Jan-Filipp Mateta, 30-cu dəqiqədə Manes Akliuş, 45+1-ci dəqiqədə Kefrren Türam fərqləniblər.
Latviyalı Andris Treymanisin idarə etdiyi oyunun ikinci hissəsində başqa qol vurulmadı.
Qeyd edək ki, 16 xalla qrupda lider olan Fransa komandası DÇ-2026-nın final mərhələsinə vəsiqəni təmin edib. İslandiya və Ukrayna 7 xalla növbəti pilləri bölüşdürürlər. 1 xalı olan Azərbaycan millisi sonuncudur.
