Müdafiə Nazirliyi: "Partlayış səsləri ilə əlaqədar təşvişə düşməyin"

Pirəkəşküldə istismar müddəti başa çatmış və istifadəyə yararsız olan döyüş sursatları məhv ediləcək.

Bu barədə Yurd.Media-ya Müdafiə Nazirliyindən məlumat verilib. 

Bildirilib ki, sözügedən döyüş sursatları 26-30 may tarixlərində  təhlükəsizlik qaydalarına riayət olunmaqla Pirəkəşkül qəsəbəsi yaxınlığındakı poliqonda məhv ediləcək:

"Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq".