Cəmi 4 gün əvvəl 65 yaşlı yubileyini qeyd etmiş əməkdar dövlət qulluqçusu Nəriman Qurbanov ölüb.
Yurd.Media "Teleqraf"a istinadən xəbər verir ki, Dini Qurumlarla İş üzrə Dövlət Komitəsinin Aparat rəhbəri olan Nəriman Qurbanov qəfil vəfat edib.
Qeyd edək ki, əməkdar dövlət qulluqçusu Nəriman Qurbanov indiyədək bir sıra vəzifələrdə çalışıb. Vaxtilə Qaradağ Rayon İcra Hakimiyyəti başçısının müavini vəzifəsində çalışan N.Qurbanov daha sonra Diasporla İş üzrə Dövlət Komitəsinin Aparat rəhbəri olub. O, eyni zamanda, Mədəniyyət Nazirliyində Protokol xidməti və dövlət əhəmiyyətli tədbirlərin təşkili sektorunun müdiri kimi də fəaliyyət göstərib.
