Bakıda lisey müəllimi güllələnib.
Yurd.Media "Unikal"a istinadən xəbər verir ki, silahlı insident İdrak Liseyində baş verib.
Liseyin müəllimi 10-cu sinif şagirdi tərəfindən güllələnib. Güllələnən şəxs liseyin riyaziyyat müəllimi olub.
Valideynlər hazırda öz övladlarını liseydən götürürlər.
Daxili İşlər Nazirliyindən Yurd.Media-ya bildirilib ki, fevralın 6-da saat 09 radələrində Binəqədi rayonunda yerləşən özəl "İdrak" liseyinin qarşısında 10-cu sinif şagirdi Ə.Ş insident törədib.
O, atasına məxsus ov silahı ilə məktəbə gələrək orada müəllimə işləyən Ş.K-ya xəsarət yetirib.
Polis əməkdaşları tərəfindən Ə.Ş saxlanılıb. Ondan ov silahı götürülüb.
Faktla bağlı araşdırma aparılır.
Hadisə tənəffüs zamanı baş verib. Güllə müəllimənin boyun nayihəsinə dəyib.
