Xırdalan şəhərində yerləşən "McDonald’s" yaxınlığındakı "Tamstore" marketində çalışan müdir müavininin müştəriyə qarşı qeyri-etik davranışı müzakirələrə səbəb olub.
Yurd.Media-ya daxil olan məlumata görə, hadisə marketdə kassir və müdir müavini arasında şəxsi söhbət zamanı baş verib. Şahidlərin sözlərinə görə, iş vaxtı kassirlə 15 dəqiqə ərzində "toya nə vaxt gedəcəkləri və nə vaxt qayıdacaqları ilə bağlı" söhbət edən müdir müavini, daha sonra bu vəziyyətə etiraz edən müştəriyə sərt və aqressiv reaksiya verib.
“Sanki döyməyə gəlmişdi. Mən müştəri olaraq utanıb cavab vermədən mağazanı tərk etdim. Ayıbdır, belə şəxslər müştəriyə xidmət etməyə yox, mübahisəyə təyin olunub sanki”, – deyə şikayətçi bildirib.
