“ABC-Telecom” şirkətinin milyonlarla manat borcu olduğu açıqlanıb.
Yurd.Media xəbər verir ki, “Kontakt Home” əmtəə nişanı altında məişət texnikası, mobil telefonlar və elektronika məhsullarının satışını həyata keçirən şirkətin 8 milyon manata yaxın vergi borcu var.
Yurd.Media xəbər verir ki, bu barədə kommersiya qurumlarının dövlət reyestri bazasından məlumat əldə edib.
Məlumata görə, “ABC-Telecom”un Dövlət Vergi Xidmətinin Bakı şəhəri Lokal Gəlirlər Baş İdarəsinə vergi borcu 7 672 122.25 manat təşkil edir.
Qeyd edək ki, Vergi Məcəlləsinin 23-cü maddəsinə əsasən vergi borcunun gecikdirilməsinə görə sanksiyalar nəzərdə tutulur.
Xatırladaq ki, “ABC-Telecom” 2006-cı ildə dövlət qeydiyyatına alınıb. Şirkətin qanuni təmsilçisi və “Kontakt” mağazalar şəbəkəsinin baş direktoru Həsən İsrafilzadədir. /İqtisadiyyat.az
