Xaçmaz rayonunun Mürşüdoba kənd məktəbinin binası yararsız vəziyyətə düşüb.
Yurd.Media xəbər verir ki, 300-ə yaxın şagirdin təhsil aldığı məktəb 80-90 ildir fəaliyyət göstərir.
Valideynlər "Baku TV"yə bildirilər ki, uşaqların belə şəraitdə təhsil alması çox təhlükəlidir:
"Divarlarda çatlar var, dam hər an uça bilər. Hasarlar da aşmaq üzrədir. Hansısa uşağın üstünə aşsa, buna kim cavab verəcək?".
Digərləri də məktəbdəki antisanitar şəraitdən şikayətlənib:
"Damdan su damır, qapı-pəncərə, demək olar ki, yoxdur. Siçan iyindən isə sinifdə dayanmaq mümkün deyil. Uşaq iki gün məktəbə getsə, iki həftə xəstəxanada qalırıq".
Quba-Xaçmaz Regional Təhsil İdarəsindən bildirilib ki, mövcud vəziyyətindən xəbərdardırlar. Binanın əsaslı təmiri və yenidən tikintisi ilə bağlı məsələ qeydiyyata alınıb.
