Xüsusi təyinatlı təhsil müəssisələrinə qəbul prosesini artıq WhatsApp kanalından izləmək mümkün olacaq.
Milli Müdafiə Universitetindən Yurd.Media-ya verilən məlumata görə, Universitet tərəfindən istifadəyə verilən yeni WhatsApp kanalı artıq fəaliyyətə başlayıb.
Kanalın abunəçiləri xüsusi təyinatlı təhsil müəssisələrinə qəbul prosesi ilə bağlı yeniliklər, həmçinin universitetlə əlaqəli digər vacib məlumatlarla birbaşa tanış ola biləcəklər.
Qeyd edək ki, kanal vasitəsilə gələcək kursantlar və maraqlanan şəxslər üçün məlumat axını daha operativ və əlçatan olacaq.
