Beynəlxalq Dəniz Limanı

Bakı Limanı (ing. Port of Baku) və ya rəsmi adı ilə Bakı Beynəlxalq Dəniz Ticarət Limanı (abr. BDTL) — müasir forması 1902-ci ildə təsis edilmiş və o vaxtdan Xəzər dənizi limanlarının ən böyüyü və ən əhəmiyyətlisi hesab olunur. 2015-ci il 18 mart tarixində Bakı Limanı yenidən qurulmuş və Qapalı Səhmdar Cəmiyyəti (QSC) yaradılmışdır.

25 fevral 2025-ci il tarixində “Azərbaycan Dəmir Yolları” Qapalı Səhmdar Cəmiyyətinin yenidən təşkili haqqında Azərbaycan Respublikası Prezidentinin Fərmanı ilə Dəniz Limanı “Azərbaycan Dəmir Yolları” QSC-ə birləşdirilib. Bu qərar dəmiryol nəqliyyatı sahəsində nəqliyyat əməliyyatlarını və logistika proseslərini daha səmərəli və operativ qaydada həyata keçirmək, eləcə də dəniz nəqliyyatına olan ehtiyacların daha dolğun ödənilməsini təmin etmək məqsədi daşıyır.