Bakıda fəaliyyət göstərən "Tamstore" mağazalarından birində istifadə müddəti tam 5 ay əvvəl bitmiş məhsulun satışda olması üzə çıxıb.
Yurd.Media xəbər verir ki, sosial mediada şikayətçi tərəfindən paylaşılan fotoda istifadə müddəti 5 ay əvvəl bitmiş məhsulun hələ də mağaza rəfində satışda olduğu əksini tapır.
İşçilərin cəzalandırılmaması üçün filialı açıqlamayan şikayətçi mağazalar şəbəkəsini belə hallara daha həssas yanaşmağa çağırıb:
“3 gün, 5 gün deyil… düz 5 ay vaxtı keçmiş mal rəfdə nə iş görür? Mağazalarınıza tapşırıq verin ki, vaxtı keçmiş məhsulları yığışdırsınlar. İstifadə müddətinə baxmadan alan müştərilər də var, gərək kiminsə zəhərlənsin?”
