Siyəzən rayon Böyük Həmyə kəndində güclü yağış nəticəsində yaranan sel suları ciddi fəsadlara yol açıb.
Yurd.Media xəbər verir ki, 60-dan çox ev sel suları ilə dolub.
"Xəzər TV"-yə danışan sakinlər bildiriblər ki, ev avadanlıqları bərbad vəziyyətdədir.
Böyük Həmyə kənd icra nümayəndəsi Rahib Məmmədov qeyd edib ki, sel suları nəticəsində 200-ə yaxın sakin təxliyə edilib. Xəsarət alan olmasa da, sakinlərə külli miqadarda ziyan dəyib. Hazırda əraziyə aidiyyatı qurumların əməkdaşları gəlib və evlərə baxış keçirilib. Sakinlərə dəyən ziyanla bağlı qeydiyyat aparılır.
