Evi yararsız vəziyyətə düşən Qəbələ sakini üçün çadır quruldu - VİDEO

Fövqəladə Hallar Nazirliyinə (FHN) Qəbələ rayonu, Kürd kəndində yaşayan vətəndaş Mənsur Əsədova məxsus evin yararsız vəziyyətə düşməsi ilə əlaqədar ailənin yaşayış yerinin olmaması barədə məlumat daxil olub.

Yurd.Media xəbər verir ki, bu barədə FHN-in mətbuat xidmətindən bildirilib.

Qeyd edilib ki, bununla əlaqədar FHN-in Şimal-qərb Regional Mərkəzinin əməkdaşları tərəfindən ailənin müvəqqəti yaşayışı məqsədilə çadır qurularaq vətəndaşa təhvil verilib.