Bir ayaq üstündə durma qabiliyyəti, tarazlığı qorumaq bacarığı ümumi sağlamlıq vəziyyətinin göstəricisi ola və hətta ömür uzunluğunu proqnozlaşdıra bilər.
Yurd.Media xəbər verir ki, bu heyrətamiz faktı Böyük Britaniyanın Milli Səhiyyə Xidmətinin Kompleks Yanaşmalar şöbəsinin direktoru Selina Lim açıqlayıb.
Mütəxəssis izah edib ki, yaş artdıqca tarazlığı saxlamaq qabiliyyəti tədricən azalır və 65 yaşdan sonra bir çox insanlar bir neçə saniyədən artıq bir ayaq üstündə dura bilmirlər. Lim vurğulayıb ki, bu birbaşa olaraq yıxılma riskinin artması, müstəqilliyin itirilməsi və hətta ölüm nisbətinin yüksəlməsi ilə əlaqəlidir. Tarazlığı yoxlamaq üçün o, sadə bir test təklif edib: düz dayanmaq, əlləri bel nahiyəsinə qoymaq, bir ayağı qaldırmaq və vaxtı qeyd etmək.
Ekspert yaşa görə normativləri göstərib:
18-39 yaş arası insanlar üçün norma 43 saniyə,
40-49 yaş üçün - 40 saniyə,
50-59 yaş üçün - 37 saniyədir.
60-69 yaş arasında bu göstərici 30 saniyəyə,
70-79 yaş arasında 18 saniyəyə,
80 yaşdan sonra isə 5 saniyəyə qədər azalır.
Lim əlavə edib ki, bu testi yerinə yetirmək çətinliyi fiziki formaya diqqət yetirmək və müntəzəm olaraq tarazlığı məşq etmək üçün ciddi səbəbdir.
