Alimlər qocalmanın əsasını təşkil edən hüceyrə ölümünü dayandıra biləcək yeni dərman hazırlayıblar.
Yurd.Media xarici mətbuata istinadən xəbər verir ki, “Anti-nekrotik” adlanan dərman ilin sonunda ilk dəfə insanlar üzərində sınaqdan keçiriləcək.
Tədqiqata rəhbərlik edən biotexnologiya şirkətinin baş direktoru doktor Karina Kern dərmanı "Yaşlanmanın plan nəzəriyyəsi" çərçivəsində hazırlayıb. Nəzəriyyəyə görə, qocalma hüceyrə səviyyəsində pozulmuş siqnalla və xüsusən də "nekroz" kimi tanınan nəzarətsiz hüceyrə ölümü ilə sıx bağlıdır.
Nekroz hüceyrələrin şişməsi, partlaması və ətrafdakı toxumalara tökülməsi nəticəsində baş verən hüceyrə ölümünün tənzimlənməmiş və zərərli formasıdır. Bunun alzqeymer, parkinson, bəzi xərçəng növləri və böyrək xəstəlikləri də daxil olmaqla bir çox xəstəliklə əlaqəli olduğu da bilinir.
Doktor Kern qocalma prosesində əsas amillərdən birinin hüceyrədaxili kalsium ion balansının pozulması olduğunu bildirib. Tarazlıq pozulduqda hüceyrə sistemləri çökməyə başlayır və nekroz yaranır.
Hazırlanmaqda olan "anti-nekrotik" dərman kalsium balansını qoruyaraq hüceyrələri nəzarətsiz ölümdən qorumaq məqsədi daşıyır.
Qeyd edək ki, klinik sınaqların ilin sonuna doğru başlanılması gözlənilir.
