Qidanın normal həzm olunması üçün mədə turşusu zəruridir, lakin bu turşu təbiətcə dağıdıcıdır.
Yurd.Media-nın məlumatına görə, həkimlər xəbərdarlıq edir ki, infeksiyalar, stress və bəzi dərmanların qəbulu səbəbindən mədədəki aqressiv mühitdən qoruyan baryerlər dağılmağa başlayır və defekt əmələ gətirir:
"Turşu toxumaları daha dərindən zədələməyə başlayır və əzələ qatına çatır. Həyat üçün təhlükə yarada bilən xora əmələ gəlir. Bəzən bu, qəfil kəskin 'xəncər ağrısı', ürəkbulanma və yeməkdən 30-60 dəqiqə sonra ağrılarla özünü göstərir".
Həkimlər, həmçinin xoranın bədxassəli prosesə çevrilməsinin ehtimal olunan əlamətlərini də qeyd ediblər. Çəki itkisi və qidaya nifrət çox narahatedici siqnallardır və təcili tibbi yardım tələb edir.
Həkimlə görüş zamanı məlum olur ki, bu cür ağır nəticələrin qarşısını "xırdalıqlara" vaxtında diqqət yetirməklə almaq olardı. Mədə xorası sanki görünməz başlayır - ac qaldıqda ağrı ilə. Bundan əlavə, ürəkyanma və ağırlıq hissinə diqqətsiz yanaşmaq olmaz.
Əsas qayda: ağrıya dözmək deyil, ilk şübhələr yarandıqda qastroenteroloqa müraciət etməkdir.
