Ev heyvanlarını yatağa buraxmaq lazım deyil.
Yurd.Media Rusiya mediasına istinadən xəbər verir ki, bu fikiləri həkim-terapevt Andrey Kondraxin bildirib. O, ev heyvanlarını yatağa buraxmağın məsləhət olmadığı vurğulayıb:
"İtlər, məsələn, müntəzəm olaraq küçədə gəzirlər və pəncələrində, tüklərində çoxlu sayda bakteriyalarla birlikdə çirk gətirirlər. Hətta yuyulduqdan sonra belə onları təmizləmək mümkün olacağına zəmanət yoxdur", - deyə həkim-terapevt müsahibəsində bildirib.
Onun sözlərinə görə, pişiklərdən toksoplazma ilə yoluxmaq mümkündür. Kondraxinin fikrincə, birgə yatmaq riskləri dəfələrlə artırır. Ekspert əlavə edib ki, ev heyvanları həmçinin helmint yumurtalarının daşıyıcılarıdır.
