Azərbaycanda bir sıra böyük qurumlar elektrik mühərrikləri ilə təchiz edən “Spectr Engineering” MMC nizamnamə kapitalını 50 dəfə azaldır.
Yurd.Media xəbər verir ki, şirkət nizamnamə kapitalını 25 000 manatdan 500 manata endirdiyini elan edib.
Bununla bağlı İqtisadiyyat Nazirliyi yanında Dövlət Vergi Xidmətinin “Vergilər” qəzetində verilən elanda deyilir ki, kreditorlar bir ay ərzində öz tələblərini Bakı şəhəri, Xətai rayonu, Xudu Məmmədov küçəsi, ev 329, M7, mənzil 1, ünvanına bildirə bilərlər.
Qeyd edək ki, "Spectr Engineering" şirkəti texniki avadanlıqın satışı və servis xidmətləri göstərir.
Bildirilir ki, WAT mühərrikləri, SEMPA nasos avadanlıqları, BIZCANLI motor repuktorları, ONI invertorlar və avtomatika brendlərinin Azərbaycanda rəsmi nümayəndəsidir. Şirkətin elektrik mühərrikləri ilə SOCAR, AZERSU, SHIRVAN OPERATING COMPANY kimi şirkətlər təchiz olunub.
