“Xətai-9” Mənzil Mülkiyyətçilərinin Müştərək Cəmiyyəti yanğın təhlükəsizliyi qaydalarını pozmaqda ittiham edilib.
Yurd.Media-nın əldə etdiyi məlumata görə, bununla bağlı Fövqəladə Hallar Nazirliyinin Dövlət Yanğın Nəzarəti Xidmətinin tərtib etdiyi protokolda qeyd olunub.
“Xətai-9”a məxsus yaşayış binasında keçirilən yanğın təhlükəsizliyi tədbirləri zamanı məlum olub ki, yanğın təhlükəsizliyi qaydalarının müvafiq tələbləri pozulub.
Nəticədə MMMC tərəfindən İnzibati Xətalar Məcəlləsinin 518.1-ci maddəsi ilə nəzərdə tutulmuş inzibati xətanın törədilməsinə dair protokol tərtib edilib.
Xətai Rayon Məhkəməsinin qərarı ilə “Xətai-9” MMMC 350 manat cərimə edilib.
“Xətai-9” Mənzil Mülkiyyətçilərinin Müştərək Cəmiyyətinə törətdiyi hüquqpozmanı aradan qaldırması üçün bir ay müddət müəyyən edilib. Həmin müddətdə qərarda əksini tapmış hüquqpozma aradan qaldırılmaqla bu müddət ərzində məhkəməyə məlumat verilməsi öhdəliyi qoylub.
