Dövlət kanalı kino istehsalı ilə bağlı islahatlara başlayır.
AzTV-dən Yurd.Media-ya bildirilib ki, Azərbaycan Televiziyasının "Sabah”, "Telefilm” və "Kino” studiyaları birləşdiriləcək.
"QSC daxilində film istehsal edən 3 komanda var – "Sabah”, "Telefilm” və "Kino” studiyası. Hazırda QSC-nin strukturunun daha da təkmilləşdirilməsi, tamaşaçılara maraqlı kontent təqdim etmək istiqamətində növbəti addımlar atılır. Yaxın gələcəkdə müəyyən studiyaların birləşdirilməsi, daha kompakt idarəetmə sisteminin yaradılması nəzərdə tutulur. Bu məqsədlə bədii-sənədli filmlərin və tamaşaların istehsalı "Telefilm” adı altında birləşəcək”, - məlumatda qeyd olunub.
Qeyd edək ki, Xalq artisti Ramiz Həsənoğlu 36 ildir fəaliyyət göstərən "Sabah” studiyasının bağlanması ilə bağlı məlumat paylaşıb.
