Bir gündə 24 mindən çox çətənə kolu məhv edildi

Azərbaycanda iyunun 19-da yabanı halda bitmiş 19,4 ton çəkidə 24 503 ədəd çətənə kolu isə aşkarlanaraq məhv edilib.

Daxili İşlər Nazirliyindən Yurd.Media-ya bildirilib ki, həmçinin kultivasiya yolu ilə yetişdirilmiş 11 ədəd çətənə kolu aşkar olunaraq götürülüb.

Bununla yanaşı paytaxt və respublikanın ayrı-ayrı rayonlarında dörd avtomat silahı, bir tapança, qumbara, alışdırıcı, beş tüfəng, dörd patron darağı və 22 ədəd müxtəlif çaplı patron aşkar olunub.