Noyabrda bank xidmətlərindən istifadə sahəsində müştəri şikayətləri üzrə "Bank BTB" ASC 5,11 şikayət indeksi ilə ən çox şikayət edilən banklardan biri kimi qırmızı zolaqda qərarlaşıb.
Mərkəzi Bankdan Yurd.Media-ya verilən məlumata görə, ən çox şikayət edilən ikinci bank isə "YeloBank" ASC olub. Bank 2,88 şikayət indeksi ilə qırmızı zolaqda yer alıb.
Tənzimləyicinin hesabatına görə, siyahının sarı zolağında "YapıKredi Bank Azərbaycan" QSC isə 1,72 şikayət indeksi ilə yer alıb.
Qeyd edək ki, bu ilin doqquz ayında "Bank BTB" ASC-nin zərəri 30% artıb. Maliyyə qurumu yanvar-sentyabr aylarını 641 min manat zərərlə başa vurub.
