Azərbaycan 8 ayda mənzil tikintisinə 2 milyard manata yaxın pul qoyub

Bu ilin yanvar-avqust aylarında Azərbaycanda yaşayış evlərinin tikintisinə 1 786,5 milyon manat investisiya qoyulub.

Bu barədə Yurd.Media-ya Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 1,8% çoxdur.

8 ayda mənzil tikintisinə qoyulmuş pullar ümumi investisiya qoyuluşunda 14,1% paya malik olub.