Aqrar Sığorta Fondunun ödənişləri 42 %-dən çox artıb

2025-ci ildə Aqrar Sığorta Fondu 9,15 milyon manat sığorta ödənişi edib.

Bu barədə Yurd.Media-ya Fonddan bildirilib.

Məlumata görə, bu, 2024-cü illə müqayisədə 42,4% çoxdur.

Ötənilki ödənişlərin 8,75 milyon manatı bitkiçilik, 0,4 milyon manatı isə heyvandarlıq sığortasının payına düşüb, əsas hissəsi meyvə bağları - şaftalı, nektarin, badam, taxıl, qarğıdalı və sair bitkilərə aid olub.

Ümumilikdə, Fond 2020-ci ildə fəaliyyətə başlayandan indiyə qədər 22,6 milyon manat sığorta ödənişi verib.