Bu il yanvarın 1-nə Azərbaycanda fəaliyyət göstərən 12 investisiya şirkətindən 4-nün aktivləri 10 milyon manatdan çox olub.
Yurd.Media xəbər verir ki, bunlar, “PAŞA Kapital” (64,8 milyon manat), “İnvest-AZ” (46,1 milyon manat), “ABB-İnvest” (30,15 milyon manat) və “İnno Kapital” (10,9 milyon manat) investisiya şirkətləridir.
Qalan 8 investisiya şirkətindən 5-nin aktivləri 1-10 milyon manat arasında, 3-nün aktivləri isə 1 milyon manatdan az olub.
Son 1 ildə 12 investisiya şirkətindən 5-i aktivlərini artırıb. Ən yüksək dinamika “Capital Partners”də (25,9%), ən aşağı dinamika isə “PAŞA Kapital”da (1,1%) qeydə alınıb.
7 investisiya şirkətinin isə aktivləri azalıb. Ən çox azalma “CPM-İnvest”də (92,3%), ən az azalma isə “MFX-Trading”də (5,2%) baş verib.
