Azərbaycanda vergi daxilolmaları 9%-dən çox artıb

Bu ilin yanvar-sentyabr aylarında İqtisadiyyat Nazirliyi yanında Dövlət Vergi Xidməti dövlət büdcəsinə 13 630,4 milyon manat vəsait köçürüb. 

Bu barədə Yurd.Media-ya qurumdan bildirilib. 

Məlumata görə, bu, ötən ilin eyni dövrü ilə müqayisədə 9,4% çoxdur. 

9 aylıq vergi daxilolmalarının 10 332,6 milyon manatı qeyri-neft-qaz sektorunun payına düşüb. Bu isə 1 il əvvələ nisbətən 12,6% çoxdur.