Bakının iki rayonunda marketlərdən oğurluqda şübhəli bilinən üç nəfər saxlanılıb.
DİN-in mətbuat xidmətindən Yurd.Media-ya verilən məlumata görə, daxil olmuş məlumatlar əsasında Sabunçu Rayon Polis İdarəsinin 14-cü Polis Şöbəsinin əməkdaşları tərəfindən keçirilən tədbirlərlə əməlləri törətməkdə şübhəli bilinən 30 yaşlı S.İbrahimzadə və 23 yaşlı X.Abbasov müəyyən olunaraq saxlanılıblar.
Araşdırmalarla onların gecə saatlarında marketlərə daxil olaraq ümumilikdə 900 manat nağd pul və 4600 manat dəyərində tütün məmulatları oğurladıqları müəyyən edilib.
Binəqədi rayonunda da marketlərin birindən oğurluq etməkdə şübhəli bilinən əvvəllər narkotiklə əlaqəli cinayətə görə məhkum olunmuş 26 yaşlı C.Cəlilzadə müəyyən edilərək saxlanılıb.
Faktlarla bağlı araşdırmalar davam etdirilir.
