Lənkəranda üzərində oyuncaq silah gəzdirərək özünü polis əməkdaşı kimi təqdim edən şəxs saxlanılıb.
Yurd.Media-nın məlumatına görə, Lənkəran şəhərində özünü hüquq-mühafizə orqanlarından birinin əməkdaşı kimi təqdim edən şəxs müəyyən olunub.
Polis tərəfindən keçirilən tədbirlərlə həmin şəxsin S.Dadaşzadə olduğu məlum olub və saxlanılıb.
Araşdırmalarla onun üzərində gəzdirdiyi silaha bənzər əşyanın oyuncaq olması, özünün isə hər hansı hüquq-mühafizə orqanlarıda heç vaxt işləmədiyi müəyyən edilib.
Onunla bağlı məsuliyyət tədbirləri görülür.
