Dövlət Neft Şirkəti (SOCAR) 2025-ci ilin I yarısının yekunları ilə bağlı maliyyə göstəricilərini açıqlayıb.
Yurd.Media xəbər verir ki, şirkət yanvar-iyun aylarında 1,8 milyard manat xalis mənfəət əldə edib. Bu, ötən ilin eyni dövrü ilə müqayisədə 14% çoxdur.
Bu iyulun əvvəlinə SOCAR-ın aktivləri ötən il iyulun əvvəlinə nisbətən 1,9% çox - 96,5 milyard manat təşkil edib.
Şirkətin öhdəlikləri 47,15 milyard manat (2,4% çox), balans kapitalı isə 49,35 milyard manat (1,4% çox), o cümlədən nizamnamə kapitalı 5 milyard manat (dəyişməyib) olub.
