Maliyyə Nazirliyinin sentyabrın 15-də yaydığı “2026-cı ilin icmal və dövlət büdcələrinin ilkin göstəricilərinə dair Açıqlama”da gələn il Azərbaycanın işğaldan azad olunmuş ərazilərinin yenidən qurulması və bərpasına nə qədər pul xərclənəcəyi açıqlanmayıb.
Yurd.Media xəbər verir ki, həmin xərclər iqtisadi fəaliyyət xərclərinin tərkibinə daxildir.
2026-cı ildə Azərbaycanda iqtisadi fəaliyyət xərclərinin 7 630,7 milyon manat olması nəzərdə tutulur. Bu, 2025-ci ilin təsdiq olunmuş proqnozu ilə müqayisədə 9,75% azdır.
Xatırladaq ki, gələn il büdcə gəlirlərinin 38 423 milyon manat, xərclərinin isə 41 548,6 milyon manat olacağı gözlənilir.
