Azərbaycan hökuməti işğaldan azad edilmiş ərazilərində Avstriya şirkətlərinin cəlb olunmasına maraq göstərir.
Bu barədə Yurd.Media-ya İqtisadiyyat Nazirliyindən bildirilib.
Məlumata görə, bu məsələ nazirin I müavini Elnur Əliyevin Avstriyanın İqtisadiyyat, Enerji və Turizm üzrə Federal Nazirliyinin Baş katibi Severin Qruberlə görüşündə əsas müzakirə obyekti olub.
Tərəflər kənd təsərrüfatı, sənaye, enerji, o cümlədən bərpa olunan enerji və humanitar sahələrdə tərəfdaşlığın gücləndirilməsini nəzərdən keçiriblər.
