Azərbaycanda əhalinin borclanma sürəti onların qazanma sürətini üstələyir.
Yurd.Media xəbər verir ki, bunu iqtisadçı ekspert Samir Əliyev bildirib.
Onun sözlərinə görə, son 5 ildə əhalinin adambaşına düşən kredit borcu (istehlak və ipoteka) 2 dəfədən çox, kredit hesablarının həcmi isə 3 dəfəyədək artıb.
"Halbuki bu müddətdə adambaşına düşən gəlirlərin artımı heç 50% də olmayıb", - ekspert bildirib.
Onun sözlərinə görə, elə buna görədir ki, 2020-2025-ci (I yarısı) illərdə adambaşına düşən gəlirlərdə kredit borcunun payı 11,2%-dən 17,3%-ə yüksəlib.
