İslandiyanın paytaxtı Reykyavikdə yerləşən "Valbyarnarvöllur" stadionunda Avropa Liqasının növbəti oyunu keçiriləcək.
Yurd.Media xəbər verir ki, bu gün təmsilçimiz "Qarabağ" avrokuboklarda növbəti oyununa çıxır.
Ağdam təmsilçisi UEFA Avropa Liqasının I təsnifat mərhələsinin cavab matçında İslandiyanın "Vestri" komandası ilə qarşılaşacaq.
Matç Bakı vaxtı ilə saat 00:00-da başlayacaq.
Qeyd edək ki, tərəflər arasında keçirilən ilk qarşılaşma təmsilçimizin 3:0 hesablı qələbəsi ilə başa çatıb.
Xatırladaq ki, cütün qalibi UEFA Avropa Liqasının II təsnifat mərhələsində MOİK (Sofiya, Bolqarıstan) - "Derri" (İrlandiya) duelinin güclüsü ilə qarşılaşacaq.
