"Sabah"ın ikinci Azərbaycan Kuboku

"Sabah" futbol klubu tarixində ikinci dəfə Azərbaycan Kubokunu qazanıb.

Yurd.Media xəbər verir ki, Bakıda "Palms Sports Arena"da Azərbaycan Kubokunun finalında "Sabah" və "Zirə" komandaları qarşılaşıb.

Oyunun 4-cü dəqiqəsində Eren Aydın "Zirə"ni hesabda irəli çıxarıb.

FIFA referisi Elçin Məsiyev idarə etdiyi oyunun birinci hissəsi bu hesabla yekunlaşıb.

70-ci dəqiqədə Patrik Mbina dəqiq zərbə ilə hesabı bərabərləşdirib. 90+1-ci dəqiqədə isə Coy Lens Mikels "Sabah"ın qələbə qolunu vurub.