Azərbaycan təmsilçisi UEFA Çempionlar Liqasının pley-off mərhələsinə adlayıb.
Yurd.Media xəbər verir ki, Çempionlar Liqasının III təsnifat mərhələsinin cavab oyununda "Sabah" Danimarkanın "Orhus" komandasını qəbul edib.
Masazırdakı "Bank Respublika Arena"da keçirilən oyunda Azərbaycan çempionları 4:0 hesabı ilə qalib gəliblər. Oyunun 58-ci dəqiqəsində Velko Simiç fərqlənib, 67-ci dəqiqədə isə Stiv Solvet başla dəqiq oynayıb, 78-ci dəqiqədə Coy-Lens Mikels, 89-cu dəqiqədə isə Xander Severina fərqləniblər.
Qeyd edək ki, komandalar arasında ilk matç Danimarka təmsilçisinin 2:1 hesablı qələbəsi ilə yekunlaşmışdı.
