"Qarabağ" futbol klubunun baş məşqçisi Qurban Qurbanov komandanın durumu ilə bağlı məsələlərə aydınlıq gətirib.
Yurd.Media xəbər verir ki, baş məşqçi mətbuat konfransında deyib ki, futbolçular pis istirahət etməyiblər:
"Xəstələndikləri üçün kollektivə qoşulmayanlar var idi. Komandaya yaxşı qayıdıblar, üzləri gülür. Həvəslə məşq ediblər".
O, klubda maliyyə ilə bağlı sıxıntının olmadığını söyləyib:
"Hazırda yoxlama oyunlarında güclü rəqiblərlə üz-üzə gəlməyə hazır deyilik. Oynayacağımız kollektivlər də ciddidir".
Qeyd edək ki, "Qarabağ" 2026-cı ildə ilk rəsmi oyununu yanvarın 21-də UEFA Çempionlar Liqasının əsas mərhələsində Bakıda Almaniyanın "Ayntraxt" (Frankfurt) klubuna qarşı keçirəcək.
