Gələn il üçün Azərbaycanın "İdman Paytaxtı" seçilən şəhər açıqlandı.
Yurd.Media xəbər verir ki, Gənclər və İdman Nazirliyinin bu gün keçirilən Kollegiya iclasında 2027-ci il üçün "İdman Paytaxtı" müəyyənləşib.
Namizəd şəhərlərin təqdimatlarından sonra keçirilən səsvermənin nəticələrinə əsasən, Yevlax şəhəri gələn il üçün ölkənin "İdman Paytaxtı" seçilib.
Qeyd edək ki, bu status çərçivəsində il ərzində şəhərdə müxtəlif idman tədbirlərinin təşkili nəzərdə tutulur.
Xatırladaq ki, bu il "İdman Paytaxtı" Qazax şəhəridir.
